Çifti shqiptar shumë simpatik, që kanë dalë kundër gjithë botës: Dashuria nuk njeh “ngjyrë”

0
226

Gerta Ismaili dhe Romario Duraj janë një ndër çiftet më simpatik të momentit. Ata kanë zgjedhur të dalin kundër botës, duke mos marrë parasysh asnjë paragjykim dhe të jenë bashkë.

Të ftuar në “ABC e Mëngjesit”, çifti kanë treguar historinë e tyre të dashurisë, që nga puthja e parë dhe deri te reagimet e familjarëve.

“Historia jonë ka qenë si të gjithë të rinjtë që njihen vetë pa shkuesi. Unë kam qenë mekanik në një rrobaqepsi dhe vajza punonte aty.

Fjala e parë që më ka thënë ka qenë nëse ma rregullon mirë, do të sjellë çokollatë dhe ma solli”, tha Romario.

“Marjo është shumë tip serizo me të gjithë, nuk ma varte fare dhe kështu e ngacmova”, u shpreh Gerta.

“Momenti puthjes së parë ka qenë 2-3 ditë më mbrapa takimit të parë, kur e kam përcjell për shtëpi”, shtoi më tej Romario.

Të pyetur se si i përballojnë paragjykimet që hasin në rrugë, çifti u shprehën se kanë zgjedhur t’i marrin me sportivitet.

“Në rrugë, thjesht na shohin me çudi. Unë kam një problem që kur më shohin, i shoh dhe ja kthej me të njejtën monedhë”, tha Mario.