HomeRoze“I shoh dhe nuk jam në gjendje të bëj asgjë”, Stresi bën...

“I shoh dhe nuk jam në gjendje të bëj asgjë”, Stresi bën një postim të sinqertë për gjyshërit ku do ta gjeni të gjithë veten

Reperi Arkimed Lushaj, i njohur me emrin e artit si Stresi, ka bërë një dedikim për gjyshërit e tij.

Ai ka postuar një foto të tyre në rrjetet sociale dhe është shprehur se është i dhimbshëm fakti teksa sheh njerëzit që do të plaken dhe t’i thuash vetes që një ditë nuk do të jenë ata.

Stresi thekson se pesha e viteve po i rëndon dhe ai nuk është në gjendje të bëjë asgjë.

“Distanca që krijohet mes njerëzve dhemb, ndarja dhemb, por ajo që dhemb akoma më shumë është të shohësh njerëzit që do, të plake në moshë dhe t’i thuash vetes se një ditë ata nuk do të jenë më. Oh sa dhemb.

Unë i shoh ata gjithnjë e më rrallë dhe çdo herë situata është e njëjtë. Pesha e viteve po i rendon. Tiparet e tyre po humbasin rininë. Hapat dhe lëvizjet e tyre ngadalësohen.

I shoh dhe nuk jam në gjendje të bëj asgjë. Thjesht dëshmi pasive për moshën që i konsumon duke u lutur çdo ditë që Zoti do t’i lërë me mua për shumë vite në vazhdim.

E di, një ditë do të na duhet të përballemi me faktet dhe të pranojmë fatin që është i destinuar për të gjithë ne. Por jo tani. Akoma jo. Kam nevojë për a.

I dua shumë. Gjysherit e mi. Balsami i shpirtit tim. Ju Lutem Mos i Harroni Gjysherit e gjyshet“, ka shkruar reperi krahas fotos.

Must Read

spot_img