Jozefina Topalli tregon pse u largua nga PD: Edhe Berisha ishte në krahun e Lulzim Bashës në atë kohë, mua më nxorën nga forumet

0
67

Ish-kryeparlamentarja Jozefina Topalli, ka folur mbrëmjen e djeshme për largimin e saj nga Partia Demokratike, disa vite më parë.

Ajo u shpreh se një nga arsyet e largimit të saj, ishte edhe se ish-kryeministri Sali Berisha, sepse ishte në anën e Lulzim Bashës në atë periudhë dhe ajo nuk kishte asnjë hapësirë.

“Nuk kisha asnjë hapësirë dhe Berisha ishte në anën e Lulzim Bashës në atë periudhë. Mua më nxorën nga forumet dhe forumet nuk mblidheshin dhe nuk kisha më ku të flisja. Kam bërë çdo gjë që mund të bënte një njeri që ka qenë nënkryetare e PD për rreth 20 vite”, tha Topalli në Ora News.

Ajo u shpreh se largimi i saj dhe bashkëpunëtorëve të tjerë të Berishës, u bë me një vendim personal të Bashës në 12 të natës.

“Nuk jam larguar por na kanë larguar në mënyrë të paligjshme me një vendim personal në 12 të natës. Berishës i kam thënë se Lulzim Basha po rrëzonte çdo parim, çdo përfaqësim brenda forcës tonë politike”, u shpreh Topalli.