Makinat bëhen “petë” në “Bypass-in” e Fierit, mrekullia shpëton 2 familjet, rrobat “fluturuan“ në ajër

0
93

Fier – Detaje të reja kanë dalë nga aksidenti i ndodhur në “Bypass-in” e Fieri paraditen e sotme ku si pasojë mbetën të lënduara tre vajza pasagjere. Mësohet se të lënduara kanë mbetur nënë e bijë bashkë dhe një shoqe e vajzës të cilat janë dërguar me urgjencë në spitalin rajonal të Fierit. Aksidenti ka ndodhur rreth orës 08:45, në vendin e quajtur “Pojan”. Makina tip “Volkswagen” me drejtues E. T., është përplasur me automjetin tip “Nisan” me drejtues I. T, ku për pasojë të dy automjetet kanë dalë nga rruga .Grupi hetimor po punon për zbardhjen e shkaqeve të aksidentit.

Mësohet se shkak i këtij aksidenti është bërë shpejtësia, ndërsa dy makinat ishin nisur për në Vlorë. Familjet do kalonin pushimet në jug të vendit. Një nga makinat ishte me targa të Kosovës ndërsa makina tjetër me targa të Korçës.

Kujtojmë se disa kohë më parë një tragjedi ndodhi në këtë aks rrugor, ku u shua familja Gushi me 4 anëtarë. Makina e tyre u godit nga një “Audi” që lëvizte me një shpejtësi tej normave të lejuara. Edhe pse policia vijon kontrollet me radar shoferët e pabindur vijojnë të shkelin rregullat e qarkullimit rrugor. /abcnews.al/