ADS
HomeLajmeNga Elona Caslli: Për çfarë qesh Opozita?!

Nga Elona Caslli: Për çfarë qesh Opozita?!

Nga Elona Caslli: Për çfarë qesh Opozita?! Ky njeri po thotë të vërtetën, njerëzit vuajnë zinë e bukës, del miu në spital, miu hyn në dollapin e bukës dhe nuk gjen bukë/ Që të qeshin rilindasit e kuptoj, sepse ka tetë vite që qeshin me ne, por që të zgërdhihet Opozita, këtë nuk e kuptoj…

Aktivistja Elona Caslli, me anë të një postimi në llogarinë e saj në Facebook, ka reaguar lidhur me fjalimin e deputetit të Lushnjes, Saimir Korreshi, ku e revoltuar ka kërkuar se pse qesh Opozita, kur ky njeri po thotë vetëm të vërtetën.

Postimi:

“Dëgjova fjalimin e këtij zotërisë që as emrin nuk ia di. Është deputet i Lushnjes në Partinë Demokratike. Në gjithçka thotë ka vërtetësinë e një njeriu që nuk mundohet hiç as të latojë fjalën dhe as të latojë mendimin se nuk është në parlament anglez, por është në zemër të një parlamenti ku përballë ka Spiropalin, Tigrin, Tërmetin, Antoneta Dhimën, Gjylametin etj.

Dhe kur një popull po vuan zinë e bukës dhe padrejtësinë deri në kockë; nevojiten veç fjalitë e thjeshta dhe asgjë më shumë.

Tani një pyetje kisha; Opozita pse qesh?! Pse qesh Opozita teksa ky njeri thotë se del miu në spital?! Pse qesh Opozita teksa ky njeri thotë se ka familje ku miu mund të hyjë në dollapin e bukës dhe mund të mos gjejë bukë?! Pse qesh Opozita kur ky deputet përfaqëson veçse Opozitën?! Pse qesh Opozita?! Çfarë ka për të qeshur?! Të na shpjegojë Opozita arsyen pse qesh se mbase e kuptojmë dhe qeshim edhe ne.

Post Scriptum- Që të qeshin rilindasit e kuptoj se kanë tetë vite që qeshin me largimin dhe mjerimin e shqiptarëve, por që të zgërdhihet Opozita, këtë nuk e kuptoj hiç”.

Must Read