Shefi ekzekutiv i Pfizer: Një variant më i fortë i COVID-19 mund të dalë, do t’i rezistojë edhe vaksinave

0
100

Shefi ekzekutiv i Pfizer: Një variant më i fortë i COVID-19 mund të dalë, do t’i rezistojë edhe vaksinave

Shefi Ekzekutiv i kompanisë Pfizer, Albert Bourla deklaroi se ai beson se një variant i ri koronavirusi që mund t’i rezistojë vaksinave mund të shpërthejë.

Megjithatë, bosi i kompanisë farmaceutike u shpreh se Pfizer do të jetë në gjendje të prodhojë një vaksinë të re për të goditur variantet e reja, 95 ditë nga dalja e tij.

“Sa herë që shfaqet një variant në botë, shkencëtarët tanë nisin punën me shpejtësi.

Ata bëjnë kërkime për të parë nëse ky variant mund t’i shpëtojë mbrojtjes së vaksinës sonë. Ne nuk kemi identifikuar ende asnjë, por besojmë se ka të ngjarë që një ditë, njëra prej tyre të dalë.

Ne kemi ndërtuar një proces që brenda 95 ditëve nga dita kur identifikojmë një variant shqetësues, të jemi në gjendje të kemi një vaksinë të përshtatur kundër këtij varianti”, u shpreh Bourla.