Lajme

Shpallet në kërkim babai i Florenc Çapjas, policia i gjeti makinë të vjedhur dhe municione në servis

Advertisements

Babai i Florenc Çapjas, Fejzulla Çapja është shpallur në kërkim nga policia e Elbasanit pas një kontrolli të kryer në servisin në pronësi të tij.

Gjatë kontrollit në servisin e Fejzulla Çapjas u gjetën edhe targa të vjedhura, municione si dhe një kapele e ngjashme me atë të policisë.

Policia e Elbasanit dyshon se sendet mund të jenë përdorur ose do të përdoreshin në ngjarje kriminale.

Florenc Çapja është një emër i njohur i botës së krimit në Elbasan i dyshuar për një sërë krimesh të bujshme. Ai u arrestua në vitin 2021 në Dubai, por ende nuk është ekstraduar. Së fundmi, sipas dëshmisë së Nuredin Dumanit, Çapja kishte dhënë 100 mijë euro për vrasjen e Sokol Sanxhaktarit.

Njoftimi i plotë i Policisë:

Vijon puna nga strukturat hetimore të DVP Elbasan, për parandalimin e ngjarjeve kriminale, zbardhjen dhe dokumentimin e plotë, me prova ligjore të atyre të ndodhura më parë.

Sekuestrohen një automjet i vjedhur, 2 targa të vjedhura, fishekë luftarakë dhe një kapele si e Policisë.

Shpallet në kërkim pronari i servisit ku u gjetën automjeti, targat e vjedhura dhe fishekët luftarakë.

Në vijim të punës për parandalimin e ngjarjeve kriminale, zbardhjen e dokumentimin e atyre të ndodhura më parë, dokumentimin e veprimtarisë së grupeve kriminale dhe kapjen e personave të shpallur në kërkim për ngjarje kriminale, specialistët për Hetimin e Krimeve Kundër Personit në DVP Elbasan ushtruan kontroll në lagjen Emin Matraxhiu, në servisin në pronësi të shtetasit F. Ç, 64 vjeç, me qëllim kapjen e personit të kërkuar F. Ç. (djali i 64-vjeçarit)

Gjatë kontrollit të ushtruar në servisin e babait të shtetasit të kërkuar, u gjetën dhe u sekuestruan në cilësinë e provës materiale, një automjet tip “Alfa Romeo”, pa targa, i cili rezulton i vjedhur në Kavajë, më datë 18.04.2019. Në vijim të kontrollit, në brendësi të automjetit u gjetën 2 targa, të cilat gjithashtu rezultojnë të vjedhura në Elbasan, më datë 29.06.2020, fishekë luftarakë dhe 1 aparat celular.

Ndërsa në ambientet e servisit, shërbimet e Policisë gjetën një kapele me stemën e Policisë, si dhe një këllëf për mbajtjen e armëve të zjarrit.

Në përfundim të veprimeve u bë shpallja në kërkim e pronarit të servisit, shtetasit F. Ç., për veprat penale “Mbajtja pa leje e armëve, armëve shpërthyese dhe municionit”, “Mbajtja pa të drejtë e uniformës” dhe “Sigurimi i kushteve dhe i mjeteve materiale për të kryer vrasje” dhe vijon puna nga ana e strukturave të Policisë, për lokalizimin dhe kapjen e 64-vjeçarit.

Advertisements

Nën drejtimin e Prokurorisë pranë Gjykatës së Rrethit Gjyqësor Elbasan dhe SPAK, vijon puna për dokumentimin e veprave penale të grupeve kriminale.

Advertisements

Related Articles

Back to top button